ایکینجی ایضاح

کریم گول اندام

شنبه 8 بهمن ماه سال 1390 ساعت 11:06 PM

حؤرمتلی ارشد محمدی وضیائی جنابلاری
اولا ارشد بی-ین یازدیغی شعر ین آخیر کوپلئتی ( وبیر معنالی شعر یازیلیر  داغدا،داشدا، اووچونون اوره یینده)مجلیسده جمعین دوزه لیش نظرلریندن سونرا یازیلیب ووبلاگا قویولوب / ایکینجی بوکی،من مجلیسده دئدییم کیمی ارشد بی-ین شعری حددیندن آرتیق اوزانیب ومعنی چاتیشمازلیغی وار واونو چوخ قیساوییغینجام شکیلده یازماق ممکون دور اورنک اولاراق شعری مضمون باخیمیندان ایجاز ائدیب مجلیسده اوخودوم ارشد بی بینمه دی وسؤیله دی بو منیم دئییل سنین شعرین وفیکریندی!من سه اوشعری بئله بیر ایضاحلا(حؤرمتلی دوستوم ارشد محمدی نین دوشونجه سیندن یارارلاناراق) یازیب اؤز وبلاگیمدا قویدوم!  بیلدییینیز قده ر منده  مضمون قیتلیغی یوخدور بس بوسورولن ادعا ارشدبی-ین طرفیندن حتی شوخلوق ایچون ده اولسا تام یئرسیز گؤرونور !جناب ضیائی دا یاخشی بیلیر شاعیر شاعیردن ایلهام آلار ،قیدالانیب، استیقبال یازار،تاثیر گؤتورر، تضمین ائدرمن تکجه ایسته میشم گؤسته رم کی،بیر شعری داها آز کلمه لر له یازماق ممکون اولان دیربوردا هانسی تپ-چئویر ائتمکدن ومضمون قاپماقدان سؤز گئدیر ؟؟!!دوستلار بیر آز صادیق اولاق! اوپورهم سیزی

http://vatan qoxusu blogfa.com

     بیلمیرم استاد گل اندام نان نئجور تشکر ائدم بحثه قاتیلدیغی اوچون و نه تهر اونون قلبینده کی پاسی سیلم. منیم شعریم نن الهام آلیب شعر یازیب سیز بو منیم اوچون بویوک فخر دیر و من او بابت دن ناراحت دگیلم .لاپ بئله امین اول. اینجیمیش اولسان عذر دیله ییرم. البته کی صادق ایز.  منیم قصدیم یالنیز ایکی شعری مقایسه ائدیب و بئله لیک له نقد ساحه سینده بیر بحث باشلاماق دیر. یازدیغیم شعردن دفاع ائله مه ییم یالنیز اوندا اولان شعریته گؤره دیر کی سیز اونو دانیرسیز و بو شعر منیم اؤزومون کی ده اولماسایدی ینه ده اوننان دفاع ائلیه جگیدیم. معنا جهتیندن اونو یوزماق اولار. اجتماعی ده اولا بیلر. عین حالدا اوندا طبیعته گؤره ایلگی لیک وار. خشونته قارشی چئخیر. انسانی گؤزل لیگه دعوت ائدیر. بیچیم باخیمین نان دا اوندا تصویر وار. شعار وئریلمیر. چوخ دا اوزون دگیل. اوزون دا اولسا شاعرین گناهی دگیل. شعر اوجور ایجاب ائدیر. سن اؤزون یازدیغین شعرده  اونو  قسسادیب سان. شعریتی کورلانیب. تصویری پؤزولوب. شعارا تبدیل اولوب. منیم سؤزوم بودور. سیزین آنا دیلیمیزده یئرینیزی هامی بیلیر و منده بیلیرم و چوخ دا سنین نقد لرین نن فایدالانمیشام. ائله بو شعرده ده بعضی نقدلریزی قبول ائدیب و اوندا ال گزدیرمیشم. اما شعر یالنیز دیل دگیل. بو شعری من هر هانسی دیله چئویرسم شعریتی نی الدن وئرمز. اما سن یازان شعرده قافیه نی پؤزارساق شعر آخسایاجاق.  من تنقید دن قاچمیرام. لازم اولان یئرده باش اییرم. اما بورادا اؤز نظریمی صادق بیلیرم.  سیزی  اوره ک دن سئویرم.