اوچو عنوانیدا یازدیقیم شعری سویملی شاعیردوستوم، کریم گل اندام، بیر باشقا فرم دا اؤ وبلاگیندا یاییب. بو شعرین اوریجنال شکلینی وبلاگ دا قویدوم کی اوخوجولار گؤروب قضاوت ائتسین لر. من گؤزللیگین قدرتین نن دانشیرام که غالب گلیر و اوچونو مات قویور و اونون گؤزونو آچیرو تیری داشا ده ییر. نیه کی اوره یی اجازه وئرمیر گؤزل بیر حیوانین جانینی آلسین. بیر اویون نان سؤز آچیرام که اوندا اوو اؤز گؤزللیگی ایله شکارچینی شکار ائدیر و اونو اوسونلاییر. اوو اویونو اوتوب سئوینجیندن اوناییر و اووچو حیران قالیر و بو عمل بیر شعره چئوریلییر. منجه، کریم بی ؛شعرده کی ایمگه لره( تصویرلره) باخمایاراق قاورامی ( مفهومی ) آلیب و دانیشیق شکلینده بیان ائدیب دیر. من یازدان شعرده اوچونون حیاتیندا یارانان روحی دگیشیک لیک شعرین اساس مرکزی دیر. داغ ، داش یوزوم باخیمیندان همان اوچونون رحیم سیز اوره یی دیر که بیردن رحمه گلیر. بو معنالارین کریم-ین شعرینده اونودولوب.
اووچو
(حؤرمت‌لی دوستوم ارشد محمدی-نین دوشونجه سیند‌ن یارارلانا‌راق)
اینانیرام هر اووچو تتیگینی چکمه‌دن،
گؤزلرینی یومارمیش!!
یوخسا گؤزآچیق اووچو!،
بیر جئیران بالاسینی،
نئجه قیییب وورارمیش ؟؟!!
اورمو--۱۳۹۰
کریم گل اندام
اوچو
اینانیرام
اوچو
تتکینی چکمه دن اؤنجه
گؤزلرینی یومور
آخی اونون دا اوره یی وار
بیز ، شاعیرلر کیمی
بعضا ده شعر یازیر اوچو
اوندا کی
تتکینی چکمه دن اؤنجه
بیر آن
گؤزلرینی آچیر
و اوخو داشا ده ییر
اوو
آتلیب اویناقلیر یایلیم دا
اوینادیر
اووچوسونو
و اوچو مات قالیر بو اویونا
و بیر معنالی شعر
یازلیر داغدا ، داش دا
اوچونون اوره یینده