X
تبلیغات
پیکوفایل
رایتل

اورمو شاعیرلری (شاعران اورمیه)
وبلاگ گروهی جمعی از شاعران اورمیه
نویسندگان
نویسنده: کریم گول اندام
هر ایکی شعیرده بیر پارادوکسدان صحبت گئدیر،منجه بو قیسا شعیرده  بوضدیت تام قاباریق شکیلده اؤزونو گؤسترمکده دیر!هامییا معلوم اولدوغوکیمی بوتون شیکارچی جماعت اوو ائدن آندا،تتیک چکمه دن اؤنجه بیر گؤزونو قییب،یا یوموب،دیگرگؤزونو دقتله آچیب نیشانه گئدیب تیر آتار،شاعیرین فیکریجه بوتون اووچولار بصیرت گوزلری یومولو اولدقلاریندان دیر کی اوواچیخیب بیر جئیرانی، بیرکهلیگی،بیردورنانی وورماغا اورکلری قبول ائدیر یوخسا گؤز آچیق اولسایدیلار نئجه اورکلریندن بیر جئیران باسینین قانینی تؤکمه یه  قالخارمیشلار؟بئله لیکله منطیقلی اولاراق اوو ائتمک اوچون گؤزگرک آچیق اولسون!آممایالنیز گؤزو باغلی اووچولار شیکار ائده بیلر !!گؤزو آچیق اووچو نئجه قییار ؟ بوپارادوکس قیسا بیر شعیرده گؤزلری یومولو وگؤزوآچیق سؤزلرینده تام اؤز ایفاده سینی تاپمیشدیر!دوستوم ارشد بی -ین
شعیرینده ایسه بوپارادوکسو بوراحتچیلیکله آلماق اولمور ! دوستلارین نظرینی بیلمک فایدالی اولاجاق
پنجشنبه 13 بهمن ماه سال 1390 ساعت
01:17 AM


پاسخ:

سئوگیلی کریم معلمه مرحبالار. وئردیگین ایضاح یازدیقین شعرده صادق دیر، اما منیم شعریمده اشاره ائله دیگین پارادوکس یالنیز بیر طرف قضیه دیر.  اوچونون گؤزونون آچیلماسین نان سونرا باش وئرن حادثه یعنی بیر شعرین یازیلماسی داغ داشدا منیم شعریمده مرکزیت تاپیر، و هابئله اووچونون وورغون لوغو و اونون اوولا بیرلیکده اویناماسی و بو اویون دا اولان ایهام نظریمده دیر. شعر یالنیز سن اشاره ائله دیگین پارادوکس دا دایانمیر و درین له شیر. سن یازان شعری مخاطب بیر یول دینله مک له باشا دوشور اما گؤردویون کیمی انجمن ده اولان دوست لار  من اوخودوغوم شعری باشا دوشمه دیلر. و  اونو دفعه لر اوخویوب با ره سینده فیکیرلشمک لازم اولور و   بیر اصیل شعر بئله اولمالی دیر. بونلار هامسی تکجه معنایا باغلی بیر فرق لر دیر یوخسام فرم باخیمیندان دا البته کی سن یازان شعر دانیشیق شکلینده بیان اولور یعنی نثری نن بیر اوقدر فرقی یوخدور. اما بو بیرینده شعر تصویرله ایرلی گئدیر؛ یعنی اونو فیلمه چکمک اولار. بیر اوچو تفگینی گؤتورب همیشه کی کیمی شیکارا چئخیر. او گونده لیک احیتیاجی اوچون یوخ بلکه تفریح اوچون شیکار ائیلیر، نیه کی بو عصرده شیکار یالنیز بیر تفریح سایلییر. شیکار ائتمک شاید انسانین قدیم دورام لاردان ( شیکار عصرین نن) یادگار قالمیش بیر عادت دیر کی هنوز اونو ترک ائتمه میش دیر و  گناهسیز حیوانلارین جانی آلماقدان لذت آپارییر. اما بیر گون شیکارینی هدفلین لحظه بیردن بیره اوون گؤزلیگی نی دویور و اؤزونه گلیر و یا اؤزونن گئدیر. یعنی وحشی اؤزلوگونو اونودور و شفقت لی بیر دونا دوشور. بو حادثه اونو آلت اوست ائلیر و اوودا بونو دوشونور و سئوینجیندن آتلیب اویناقلیر و اووچو دا اوو لا برابر یایلیم دا رقصه باشلاییر. ( یایلیم هم  چراگاه  و هم گولـله آتیلماق معناسیندادیر) . سانکی اوو اؤز گؤزللیگی ایله خشونته غالب گلیر و اوچونو مات قویور یعنی اونو حیران ائدیر و یا اونو اودور. شعر لایه لایه دیر و هر قات دا بیر معنا تاپماق اولور. یالنیز بیلمیرم  نه دن اؤز یازدیقی نی اونا اوستون بیلیرسن. دوشونه بیلمیرم.  اینان کی اگر بو شعری سن ده یازمیش اولاسایدین ائله بو سؤزلری اونون باره سینده یازاجایدیم. منده گؤزلورم دوست لار نظر وئرسین لر.
نوشته شده توسط ارشد [ پنج‌شنبه 13 بهمن‌ماه سال 1390 ] [ 09:22 ب.ظ ]
آرشیو ماهانه
لوگو و بازدید
اورمو شاعیرلری          (شاعران اورمیه)
تعداد بازدیدکنندگان : 47587