بولـــــود کیمین دولو یاغ، سیل سوپور دومان شهری
یوبانما سئوگیلی باخ بیر ! آلیرگومان شهـــــــــــری
اوزاق گـــــــــؤروب سنی یاللاه دییه دییه شیـــطان
گلیبـــدی میدانا ییخسین بو یوخلایان شهـــــــــــری
یئتیـــــــر! یئتیش باری سن بیزلرین یامان حالینا
یئتیر داغلایری شاختا،قار ،بوران شهـــــــری
دا بوشـــــــــلا جومعانی هرشنبه تانرین گونودور
زامانلارین ییه سی ! گل دبرت بیر آن شهــــــــری
سوکوت کوچه ر گویه رر گویلوموزده شن گولوموز
باخــیشلارین ایه دیندیرسه مهریبان شهــــــــــــــری
یانار ـ همای پناه
حؤرمتلی دوستوم یانار-همای پناه جنابلارینین تورکوغزلی ایله گلیشینی خوش گلدین دئییرم/بوتورکو غزلی یئنی تیپلی (مضمون باخیمیندان) اولدو غو اوچون آلقیشلاییرام /مختصر مذهبی انلام داشیدیغینا باخمایاراق اومید وئریجی عین حالدا گؤزلدیر /بونودا اونودمایاق کی ،قصدیمیز چاتیشمایان جهتلری ایضاح ائتمک عینی حالدا پولمیک مباحثه لر آپارماقدیر /نظر فایدالانماق ،مباحثه نی گئنیشلندیرمک /تجروبه لریمیزدن داها آرتیق بهره لنمک دیر !
شاعیر دومانلی شهر عوضینه دومان شهر اشلتمه یه مجبور اولوب !
سئوگی له باخ یئرینه سئوگیلی باخ! اوچونجو مصرادا وزن لنگیمه سی گؤزه چارپیر !تارینین عوضینه تانرین سهوا یازمیش!سونونجو مصرادا ایسه شن گولوموز سؤزو گولدن آرتیق کئچی ناغیلدا اولان بالاسینی خاطیرلادیر دوستوموزون دقتینه گؤره چوخ ساغ اول دئییرم
سلام شعر گوزل شعردیر امما وزن جهتیندن بیر آز آخساقلیق اوندا گورونور یانارا گوزل گونلر آرزولورام
عزیز دوستوموزا خوش گلدین دئییرم. غزلده یئنی لیک وار. اما بیر پارا ضعف لری ده وار کی برطرف اولابیلر. منیم نظریمه گلن بونلاردیلار:
د1-ومان شهری غلط دیر دومانلی شهر دوزدور کی اودا وزنی قاتار. بو آن شهری اولسا یاخشیدیر.
2- ایکینجی مصراع دا باخ بیر ینرینه تئز گل قویساخ یاخشی دیر
3- بئشینجی مصراعدا وزنی غلط وار. یتیر کی یاندیرییری قویساخ یاخشی دیر. بوران داغلاماز ،یاندیرار
4- هر شنبه هفته نین آیری گونلری نین یئرینده اوتوروب کی اشکال دیر. مثلا یئرینه هر لحظه قویولسا یاخشی دیر
5- گویلوموزده یئرینه کونلوموزده دوزدور
5- بیر آن اول مصراع دا گلرسه سککیزاینجی مصراع بئله اولمالی دیر:
گل اویات یاتان شهری
سلاملار و سایقی لار /چوخ گؤزل یازیرسیز /اللره ساغلیق