حؤرمتلی ارشد محمدی وضیائی جنابلاری
اولا ارشد بی-ین یازدیغی شعر
ین آخیر کوپلئتی ( وبیر معنالی شعر یازیلیر داغدا،داشدا، اووچونون اوره
یینده)مجلیسده جمعین دوزه لیش نظرلریندن سونرا یازیلیب ووبلاگا قویولوب /
ایکینجی بوکی،من مجلیسده دئدییم کیمی ارشد بی-ین شعری حددیندن آرتیق
اوزانیب ومعنی چاتیشمازلیغی وار واونو چوخ قیساوییغینجام شکیلده یازماق
ممکون دور اورنک اولاراق شعری مضمون باخیمیندان ایجاز ائدیب مجلیسده
اوخودوم ارشد بی بینمه دی وسؤیله دی بو منیم دئییل سنین شعرین وفیکریندی!من
سه اوشعری بئله بیر ایضاحلا(حؤرمتلی دوستوم ارشد محمدی نین دوشونجه سیندن
یارارلاناراق) یازیب اؤز وبلاگیمدا قویدوم! بیلدییینیز قده ر منده مضمون
قیتلیغی یوخدور بس بوسورولن ادعا ارشدبی-ین طرفیندن حتی شوخلوق ایچون
ده اولسا تام یئرسیز گؤرونور !جناب ضیائی دا یاخشی بیلیر شاعیر شاعیردن
ایلهام آلار ،قیدالانیب، استیقبال یازار،تاثیر گؤتورر، تضمین ائدرمن تکجه
ایسته میشم گؤسته رم کی،بیر شعری داها آز کلمه لر له یازماق ممکون اولان
دیربوردا هانسی تپ-چئویر ائتمکدن ومضمون قاپماقدان سؤز گئدیر ؟؟!!دوستلار
بیر آز صادیق اولاق! اوپورهم سیزی
شعیرینده ایسه بوپارادوکسو بوراحتچیلیکله آلماق اولمور ! دوستلارین نظرینی بیلمک فایدالی اولاجاق
01:17 AM
پاسخ:
سئوگیلی کریم معلمه مرحبالار. وئردیگین ایضاح یازدیقین شعرده صادق دیر، اما منیم شعریمده اشاره ائله دیگین پارادوکس یالنیز بیر طرف قضیه دیر. اوچونون گؤزونون آچیلماسین نان سونرا باش وئرن حادثه یعنی بیر شعرین یازیلماسی داغ داشدا منیم شعریمده مرکزیت تاپیر، و هابئله اووچونون وورغون لوغو و اونون اوولا بیرلیکده اویناماسی و بو اویون دا اولان ایهام نظریمده دیر. شعر یالنیز سن اشاره ائله دیگین پارادوکس دا دایانمیر و درین له شیر. سن یازان شعری مخاطب بیر یول دینله مک له باشا دوشور اما گؤردویون کیمی انجمن ده اولان دوست لار من اوخودوغوم شعری باشا دوشمه دیلر. و اونو دفعه لر اوخویوب با ره سینده فیکیرلشمک لازم اولور و بیر اصیل شعر بئله اولمالی دیر. بونلار هامسی تکجه معنایا باغلی بیر فرق لر دیر یوخسام فرم باخیمیندان دا البته کی سن یازان شعر دانیشیق شکلینده بیان اولور یعنی نثری نن بیر اوقدر فرقی یوخدور. اما بو بیرینده شعر تصویرله ایرلی گئدیر؛ یعنی اونو فیلمه چکمک اولار. بیر اوچو تفگینی گؤتورب همیشه کی کیمی شیکارا چئخیر. او گونده لیک احیتیاجی اوچون یوخ بلکه تفریح اوچون شیکار ائیلیر، نیه کی بو عصرده شیکار یالنیز بیر تفریح سایلییر. شیکار ائتمک شاید انسانین قدیم دورام لاردان ( شیکار عصرین نن) یادگار قالمیش بیر عادت دیر کی هنوز اونو ترک ائتمه میش دیر و گناهسیز حیوانلارین جانی آلماقدان لذت آپارییر. اما بیر گون شیکارینی هدفلین لحظه بیردن بیره اوون گؤزلیگی نی دویور و اؤزونه گلیر و یا اؤزونن گئدیر. یعنی وحشی اؤزلوگونو اونودور و شفقت لی بیر دونا دوشور. بو حادثه اونو آلت اوست ائلیر و اوودا بونو دوشونور و سئوینجیندن آتلیب اویناقلیر و اووچو دا اوو لا برابر یایلیم دا رقصه باشلاییر. ( یایلیم هم چراگاه و هم گولـله آتیلماق معناسیندادیر) . سانکی اوو اؤز گؤزللیگی ایله خشونته غالب گلیر و اوچونو مات قویور یعنی اونو حیران ائدیر و یا اونو اودور. شعر لایه لایه دیر و هر قات دا بیر معنا تاپماق اولور. یالنیز بیلمیرم نه دن اؤز یازدیقی نی اونا اوستون بیلیرسن. دوشونه بیلمیرم. اینان کی اگر بو شعری سن ده یازمیش اولاسایدین ائله بو سؤزلری اونون باره سینده یازاجایدیم. منده گؤزلورم دوست لار نظر وئرسین لر.